Hinanakit ng Isang Mandirigma

by CIDGE Wed Dec 26, 2007 9:19 am

Mandirigmang Nalampasan ng Marangyang Panahon

Ako po ay isang "tunay" mandirigma ng FreeROSE. Lahat ng ikabubuti ng ating angkan (server) ay aking inisip. Nagpuyat, nag-abang, nakipaglaban at higit sa lahat tumulong. Ako ay nagmamasid halos araw-araw upang salubungin ang aming itinuturing na pinuno. Ako'y galak na galak nang siya'y nagbalik. Ako'y umaasa na may hatid siyang magandang balita sa lahat. Halos lahat ng kapwa ko mandirigma ay nagbunyi sa balitang ito.Siya ay nagbalik upang muling makabangon sa isang magimbal na pagkakadapa.

Isang gabi, ako'y naghintay na kanyang bibigyan ng pagkakataon na muling masanay ang aking kakayahang bilang mandirigma(reset into 3 star) subalit hindi nangyari. Na bibigyan niya niya ako ng kagamitang magiging sandata ko sa pakikibaka sa mga halimaw(upgrade my 200 armors into +9). Na mabibigyang ng konting abilidad para magkaroon ng kalakasan at taktika sa pakikipaglaban(give bonus stat points). Subalit lahat ng ito ay nanatiling pangarap.

Ako ay nakatulog sa gabing iyon. Nalampasan ang pagbibigay ng biyaya ng aming pangulo. Subalit, ipinangako na sa una na ibibigay ang mga nasabing kagalingan o biyaya sa akin. Mahimbing ang aking pagkakatulog. Hindi na kailanman nakita ang larawan ng aming pangulo.

Sumikat na ang malagintong sinag ng araw. Umaasa na bibigyan ako ng maliwanag na pag-asa. Aking sinuri ang aking sarili bilang mandirigma subalit walang nagbago. Ang aking kakayahan ay sa pakikibaka ay nanatiling kapos. Ang aking kagamitan ay hindi na pinanday sa mas matibay na moog ng pangdigma. Ang aking abilidad ay hindi nadagdagan. Nanatili akong isang mandirigmang nasadlak sa panahon na nawala ang aking pinuno.

Ang mga kapwa ko mandirigma na gising sa mga panahong bumisita ang aming pinuno ay nakatanggap ng biyaya. Subalit ako, habang pataas ang araw ay ganoon ang panghihinayang na sana ako'y nabiyayaan din ng ipinangakong lakas sa pakikibaka.

Sa pakakasadlak na ito, patuloy pa rin akong umaasa na sana'y mabuo ang aking mga pangarap-mga ipinangakong biyaya. Sa likod ng mga ulap umaasa pa rin ako na sisinag muli ang sikat ng araw na maghahatid sa akin ng magandang balita.

Ang panahon ay mabilis tumakbo. Hanggang kailan kaya ako maghihintay at aasa na aking mga pangarap ay matupad sa tulong ng aking pinuno?

Sana hindi mahuli ang lahat. Baka sa pagdating ng aking pinuno ako'y naligo na sa sarling kong dugo sa kadahilanang nagkulang ako ng lakas at abilidad sa pakikibaka.

by XenoFantazy Wed Dec 26, 2007 11:27 am

Ano? So, in short, di ka na-reborn, tama ba? At di mo nakuha refine mo sa bagong mong donation?

by maniboy2™ Wed Dec 26, 2007 12:35 pm

Sa aking natatandaan mga bandang ika-labing dalawa at kalahati na nung makita ko si admin, gamit ko c theCleric** malamang sa inaantok na c admin nun, tao lang din c ADMIN. And maybe just like some of us, nakatulog sya sa harap ng PC nya. Look at the bright side men, maybe you are the first one to have a +9 refine today...... Very Happy